Ministri i Brendshëm Fatmir Xhafaj ka zhvilluar një takim në Bruksel me Komisionerin për Fqinjësinë dhe Negociatat e Zgjerimit, Johannes Hahn.
Ky i fundit duket se i ka dhënë “shansin e fundit” ministrit të Brendshëm, teksa ka folur qartë se periudha në vijim është shumë deçizive për Shqipërinë.
Ai sugjeroi njohjen më të thellë të arritjeve të palës shqiptare, përmes medias së huaj, për të reduktuar efektet negative të stigmatizimit të padrejtë të vendit.
Nga ana e tij, ministri Xhafaj e siguroi eurokomisionerin se masat lidhur me luftën antikanabis janë marrë që tani dhe se Shqipëria nuk do të figurojë më në 2018-ën në listën e vendeve ku kultivohet drogë.
Ministri Fatmir Xhafaj prezantoi prioritetet dhe dokumentin politik të punës së Ministrisë së Brendshme, në këtë mandat qeverisës, ndërsa u ndal edhe te Plani i Veprimit, Operacioni “Forca e Ligjit”, të ciline shpjegoi se çfarë përfaqëson dhe si do të zbatohet. Xhafaj pohoi se janë skanuar grupet kriminale dhe asetet e tyre, si dhe informoi Komisionerin për procesin e Vettingut që do të kryhet në Policinë e Shtetit.
Duke u ndaluar tek masat për frenimin e azilkërkimit të paligjshëm dhe migracionin e parregullt, ministri i Brendshëm shqiptar veçoi bashkëpunimin me Francën, si një shembull pozitiv për minimizimin e fenomenit.
