Lionel Messi në ndeshjen e fundit përballë Huescas kishte shansin që të shënonte tregolëshin e parë në kampionat, pasi kishte në dorë të ekzekutonte një penallti në minutat e fundit. Por ai si kapiten bën një gjest të mrekullueshëm duke ia lënë atë ta ekzekutojë shoku i skuadrës, Luis Suarez.
Ylli argjentinas shënoi dy gola dhe asistoi dy të tjerë në fitoren 8-2 ndaj skuadrës që luan për herë të parë në histori në La Liga. Me dy asistet e dhënë Messi ka shkruar edhe historinë në futbollin spanjoll, pasi bëhet futbollisti i parë që arrin150 asistime në shekullin e 21.
Tifozët ishin shumë të kënaqur me gjestin e kapitenit të tyre të ri, i cili e mori shiritin gjatë kësaj vere pas largimit të Andres Iniestas.
