Një ngjarje e rëndë ka ndodhur dje në qytetin e Beratit, ku një i ri ka ndërruar jetë në spital.
I ndjeri është 31-vjeçari Marinel Veleshnja, i cili u dërgua në Repartin e Urgjencës në Spitalin Rajonal të Beratit, ku dhe ndërroi jetë.
Pas ngjarjes, familjarët kanë akuzuar për “mjekim të pakujdesshëm” mjeken e këtij reparti, Arjola Xheblati. Tashmë ka nisur një procedim penal për këtë të fundit.
Burime policore thanë se, pas denoncimit të bërë nga familjarët, efektivët e policisë kanë sekuestruar si provë materiale kartelën mjekësore të 31-vjeçarit dhe autopsinë që u krye në Morgun e Spitalit Rajonal të Beratit dhe e kanë dërguar çështjen për ndjekje penale në organin e Prokurorisë së rrethit të Beratit.
