Ish-kryeministri Sali Berisha nuk u ka shpëtuar pyetjeve lidhur me familjarët e tij, e në rastin konkret lidhur me partneren e të birit, Armina Mevlanin.
I ftuar në emisionin “Byro Politike”, Berisha ka komentuar edhe imazhin e pasur të krijuar nga rrjetet sociale të Arminës.
Ka qenë gazetari Baton Haxhiu ai i cili nga politika ka kaluar në show biz, pasi në fund të bisedës tha se i kishte ngelur merak ta pyeste ish-kryeministrin për partneren e djalit të tij që ka krijuar imazhin e një personi të pasur:
Baton Haxhiu: Doktori është njëri prej atyre që flet për varfërinë, si e gjykon jetën e ‘resë’ tënde dhe blogeres që e krijon imazhin se është shumë e pasur?
Berisha: A e pëlqej unë? Ajo është një blogere. Unë nuk mund të them tani se nuk duhet të ketë Instagram. Ajo reklamon rroba nga firmat për t’u reklamuar. Mua më intereson e vërteta. Ajo është një partnere e djalit tim, por nëse gjykohet për reklamat që u bën firmave, ajo atë punë ka. Se bën reklamë dhe siguron të ardhurat mujore nuk besoj se është ndonjë…. unë nuk mund t’i them të mos ketë Instagram. Ajo reklamon kundrejt pagesës.
