Një gjykatë në Belgjikë ka dhënë një dënim të dytë për një 40-vjeçar shqiptar. Bëhet fjalë për Erjon Sejdirajn, i cili po vuan dënimin me 17-vite burg për vrasje.
Gjyqtari në Ypres e dënoi sërish shqiptarin, i cili për vite me radhë kishte bërë një jetë të dyfishtë në Geluwe të Belgjikës. Përveç viteve të burgut që do shlyej për vrasjen e kryer në Itali, ai do të vuaj një dënim me 18 muaj burg për falsifikim.
Për vrasjen, Italia e dënoi në mungesë me burgim të përjetshëm. Ai akuzohet se ka vrarë një prostitute 20-vjeçare, raporton focus-wtv.be.
Shqiptari bëri një jetë të dyfishtë për më shumë se dhjetë vjet. Pas vrasjes, ai iku në Belgjikë. Ai u martua, kishte fëmijë dhe familja e tij nuk dinte asgjë për vrasjen. Ai kishte kërkuar azil në Belgjikë duke përdorur identitet të rremë.
Ky dënim i dytë për shqiptarin vjen në krye të tre viteve. Në vitin 2015, ai u kap në Belgjikë dhe u dënua me 17-vite për vrasjen e kryer në Itali.
Ai do ta shlyej dënimin në Belgjikë në mënyrë që të jetë pranë familjes së tij. Gruaja e tij dhe tre fëmijët vazhdojnë ta mbështesin atë./TIRANA TODAY/
