Kreu i Partisë Popullore, Vuk Jeremiç ka deklaruar se në vitin 2018 do të nënshkruhet një marrëveshje për normalizimin e marrëdhënieve me Kosovën, gjë që do të sjellë anëtarësimin e saj në OKB.
Po ashtu, Jeremiç tha se qeveria serbe ka punuar që nga viti 2013 për cështjen e Kosovës, por nuk pasur rezultat.
“Rezultatet e pushtetit në çështjen e Kosovës janë humbëse pasi ato kanë sjellë një nga një gjërat, nuk ka pasur negociata për asgjë e në vitin e ardhshëm ai (pushteti) do ta marrë për nënshkrim marrëveshjen për normalizim të gjithanshëm në të cilën do të gjendet paragrafi i cili Kosovës do t’ia mundësojë anëtarësimin në Organizatën e Kombeve të Bashkuara”, tha Jeremiç.
Ai ka sqaruar se bëhet fjalë për qëndrimin detyrues që Serbia dhe Kosova nuk do ta pengojnë njëra–tjetrën në institucionet ndërkombëtare dhe kjo e shpie Kosovën drejtpërdrejt në ulëse të OKB-së.
