Gjyqi më i madh në Italinë veriore kundër Ndragetas ka marrë vendimet për bashkëpunuesit që kishin lidhje të ngushta me grupin e mirënjohur kriminal. Mes të dënuarve është edhe ish-sulmuesi i Juventusit dhe Udineses, Vincenze Iaquinta i cili do të vuaj 2 vite burg, ndërsa i ati i tij është dënuar me 19 vite.
Iaquinta, kampion bote në vitin 2006 me kombëtaren Italiane ishte në bankinën e të akuzuarve për veprat penale të posedimit të armës. E njëjti prokurori kishte kërkuar 6 vjet burg, megjithatë vendimi i shkallës së parë ka hedhur poshtë akuzën për lidhje mafioze.
Ndërkohë babai i tij, Guiseppe është dënuar me 19 vjet burg, pasi janë vërtetuar akuzat për lidhje me bandën mafioze. Në fund të vendimit që u dha nga gjykata ish-sulmuesi i Juventus dhe Udinese u largua nga salla e gjyqit duke ulëritur: “Turp, jeni qesharakë”.
Një vit më parë në shtëpinë e babait të Iaquinta-s u gjetën 2 pistoleta, të cilët futbollisti tha se janë në pronësi të tij.
“Jam një person i famshëm, pistoletën e kam marrë pasi isha tërhequr nga futbolli. Më pëlqente të shkoja në poligonin e Reggio-s, por nuk kam lëvizur kurrë me armë në brez”, deklaroi Iaquinta. Ndërsa shtoi se nuk kishte vënë në dijeni policinë për lëvizjen e armëve nga shtëpia e tij.
