Trashësia e borës në disa zona të Pukës arrin deri në 2 metra. Alarmi është dhënë nga prefekti i Pukës, Gjon Dodaj, i cili tha se zonat e thella janë izoluar plotësisht.
Po ashtu, Dodaj tregoi se ka pasur një rast lindjeje, që fatmirësisht ka kaluar pa asnjë problem.
“Ka dy ditë që në Pukë bien reshje dëbore të dendura, e vila kalon në 70 centimetra. Trashësisë e dëborës për shkak të erërave shkon edhe në dy metra. Rrugët rurale janë të bllokuara. Kemi kërkuar ndihmë nga shtabi i emergjencave, presim të vijë një borëpastruese. I gjithë rrethi nuk ka probleme furnizimi me energji elektrike”, tha ai.
