Një uniformë e cila nuk përshtatet me formën trupore, e kanë detyruar një 14 vjeçare që të qëndrojë në shtëpi. Vajza është ‘dënuar’ në këtë formë nga drejtoresha e një shkolle në Angli, pasi asaj nuk i përshtatet fundi që mbajnë edhe bashkëmoshatarët e saj. Ndonëse kjo situatë është qesharake, drejtuesit e shkollës e kanë parë të arsyeshme që vajza të ndëshkohet vetëm për një veshje.
14-vjeçarja Kada Jones është detyruar që të veshë një fund gri, ndryshe nga ai i uniformës që ka në shkollë, pasi nuk ka gjetur një për masën e saj. Por për fat të keq, asaj nuk i lejohet fundi, e për rrjedhojë nuk mund të shkojë dot në shkollë.
Adoleshentja thotë se të njëjtin fund kishte mbajtur edhe vitin e shkuar, dhe asnjë nuk u ankua.
14-vjeçarja është shprehur më tej se mësuesja i ka thënë që ose duhet të veshi fundin që veshin të gjithë, ose duhet të rrijë në shtëpinë e saj dhe të mos shkojë fare në shkollë.
Edhe drejtoresha e shkollës këmbëngul se fundi që mban adoleshentja nuk përputhet me rregulloren e institucionit. Për këtë çështje, vajza ka thënë se është e prekur, dhe nuk e kupton pse e trajtojnë në këtë formë.
“Kam 5 ditë që vetëm qaj. Nuk e kuptoj pse duhet ta bëjnë, unë nuk kam bërë asgjë gabim. Njerëzit futen në izolim, sepse kanë bërë diçka të gabuar. Ata më kanë trajtuar si të mos isha qënie njerëzore. E vetmja gjë që dua unë, është që të kthehem në shkollë”.
