Sharje e mallkime dëgjohen në videon në fjalë, teksa banorët nuk lejojnë që të prishen ndërtimet në Jalë. Banorët të revoltuar kanë sharë kryeministrin Rama, e hera-herës edhe e mallkojnë, pasi në këtë formë po u heq bukën e gojës.
https://www.youtube.com/watch?v=jDoHbWLQ0wI&feature=player_embedded
Që herët në mëngjes, është shoqëruar me tensione dhe konfrontime aksioni i IKMT në zonën e Jalës, për prishjen e disa ndërtimeve të cilat pretendohet se janë pa leje, dhe në tokë shtetërore. Janë rreth 10 objekte që pritet të prishen nga IKMT, ndërsa banorët deklarojnë se janë me dokumente dhe po i nxjerrin me dhunë nga banesat e tyre.
https://tiranatoday.com/prishja-e-ndertimeve-pa-leje-ne-jalepronaret-perplasen-me-policine/
Nje banore ka refuzuar të zbresë nga prona, por më pas është nxjerrë me dhunë nga policia. Punonjësit e IKMT-së kanë nisur shembjet, sipas një programi të parashikuar për në muajin shtator, por banorët e zonës janë ngritur në këmbë, duke e kundërshtuar këtë aksion, dhe duke sqaruar se prishjet janë selektive.
Në momentin kur IKMT ka ndërhyrë për prishjen e një lokali, ka pasur akuza të forta dhe sharje në drejtim të Edi Ramës, nga ana e familjarëve që kanë në pronësi biznesin. Ata dëgjohen duke e quajtur ISIS kryeministrin, ndërsa i kujtojnë atij faktin se kanë mbetur pa shtëpi, ndërsa djali i tij jeton në luks.
‘’Je ISIS Edi Rama, je Millosheviç, djali yt jeton në luks, ne na e prishën shtëpinë”, janë vetëm disa nga thirrjet e familjarëve, që po iu prishet biznesi i tyre.
