Pas mbylljes së raundit të tretë të fazës së grupeve në Europa League, faqja zyrtare e UEFA-s ka publikuar edhe formacionin e lojtarëve më të mirë të kësaj jave.
Në mesin e tyre është edhe qendërmbrojtësi i Skënderbeut Bajram Jashanica, i cili ka bërë një paraqitje të madhe një natë më parë dhe ka ndihmuar mjaft ekipin që të ruaj barazimin përballë Partizanit të Beogradit.
“7 ndërhyrje, 5 duele ajrore të fituara dhe 4 spastrime të zonës ishin disa nga statistikat e tij impresionuese në mbrojtje”, thotë përshkrimi për Jashanicën i cili arsyeton zgjedhjen në formacionin e javës.
