Një tërmet i fuqishëm tronditi Japoninë veriore në orët e para të mëngjesit të sotëm, duke goditur zonat e shkatërruara nga katastrofa e vitit 2011 dhe duke gjeneruar një cunami prej 1 metër, tha transmetuesi publik NHK.
Tërmeti që goditi prefekturën Miyagi kishte një madhësi paraprake prej 7.2 ballë , shkruan Hindustan Times.
Agjencia Meteorologjike ka lëshuar një alarm për cunami, ndërsa rrjeti shtetëror Japonez NHK ka paralajmëruar banorët se pritet një metër valëzim në Prefekturën Miyagi.
”Është e rrezikshme në det ose afër bregdetit. Ata që janë në det duhet të dalin menjëherë nga deti dhe të largohen nga bregu.”, thuhej në paralajmërim.
Ndërkohë, Tohoku Electric Power Co ka ndaluar punën në uzinën bërthamore Onagawa dhe po kontrollon për ndonjë parregullsi.
Tokyo Electric Power tha se po kontrollon gjendjen e termocentralit Fukushima Dai-Ichi që u shkatërrua nga tërmeti masiv i marsit 2011, i cili shkaktoi shkrirje bërthamore dhe evakuime masive.
