Ka shkuar në 63 numri i personave që kanë humbur jetën nga rrëshqitjet e tokës në rajonin Kyushu në jugperëndim të Japonisë.
Sipas agjencisë së lajmeve “Kyodo”, 92 përrenj dhe lumenj kanë dalë nga shtrati në 10 rajone të ndryshme, përfshirë edhe rajonin Kyushu. Përmbytjet nga uji kanë shkaktuar shembjen e disa urave, pemëve, rrugëve dhe përmbytjen e mijëra shtëpive.
Agjencia për menaxhimin e zjarreve dhe fatkeqësive (FDMA) deklaroi se është bërë thirrje për evakuimin e 1.3 milionë njerëzve që jetojnë në Kyushu.
Ndërkohë Agjencia Metereologjike e Japonisë (JMA) paralajmëroi se shirat në rajon do të vazhdojnë dhe se duhet të ndërmerren masat e nevojshme.
