Një deklaratë të fortë ka lëshuar Mauricio Pochettino, ndërsa i është vënë në mbrojtje lojtarëve të tij. 8 lojtarë nga 12 të tillë, që janë paraqitur me kombëtaren angleze, janë momentalisht të dëmtuar në ekipin e Tottenham. Ai mendon se Kupa e Botës në verë dhe tashmë sezoni i ngarkuar në Premier League, i ka lënë ata pa një jetë private. Mauricio Pochettino është i mendimit se ata duhet të shpenzojnë më shumë kohë me familjen, fëmijët. Dhe për ata që nuk kanë një të dashur, duhet ta gjejnë një të tillë.
“Ne nuk po e kuptojmë se po luajmë me shëndetin e lojtarëve. Ata janë njerëz. Janë të rinj dhe duhet të shijojnë edhe jetën. Duhet të shpenzojnë energji me familjen, fëmijët dhe të dashurën.
Dhe ata që nuk kanë një të tillë, duhet ta gjejnë një. Kjo është normale. Bëhuni pak realistë tani, ata janë të rinj”, ka thënë në deklaratën e tij trajneri i Tottenham.
