Presidenti i Serbisë, Aleksandar Vuçiç ka reaguar pas mos certifikimit të Listës Serbe për pjesëmarrje në zgjedhjet e jashtëzakonshme. Lidhur me këtë, Vuçiç ka thënë se është shokuar dhe se do ta diskutojë lajmin me Angela Merkel, por edhe me Vladimir Putin dhe me liderë të Kinës.
Sipas tij, Kosova do të jetë tema kryesore e diskutimeve të tij me presidentin e Rusisë dhe të Kinës.
“Këto janë gjëra të pabesueshme, jam i shokuar me mënyrën se deri ku kanë shkuar këto lojëra. Këto janë gjëra që nuk duhet të bëhen”, u shpreh Vuçiç para gazetarëve serbë në Pekin, transmeton lajmi.net.
Ai shtoi se vendimin e sheh si heqje të demokracisë ndaj të cilës askush nga bota nuk ka reaguar:
“Nuk dua të them se çfarë më kujton, kur dikujt ia ndaloni të kandidojë sepse nuk u pëlqen politika e tyre, mendojeni si quhet kjo”.
