Më 5 tetor 2000, protestat popullore sollën rrëzimin e Sllobodan Millosheviçit nga pushteti. Dhjetëra mijëra njerëz pushtuan sallën e parlamentit, në shenjë proteste për zgjedhjet lokale që ata i konsideruan të manipuluara nga regjimi. Millosheviçi i vuri zjarrin Ballkanit për hir të Serbisë së Madhe. Por në fund humbi gati gjithçka, më së fundi Kosovën.
Popullariteti i tij, ishte në pikën më të ulët, dhe pak ditë pas dorëheqjes, ai u arrestua dhe u dërgua në Gjykatën e Hagës për t’u gjykuar për akuzat për krime lufte. Por kush e rrëzoi realisht Millosheviçin?
Në një analizë të gjatë të datës 26 nëntor 2000 në gazetën “New York Times”, Roger Cohen, thotë se kasapi i Ballkanit u rrëzua kryesisht falë mbështetjes që kancelaritë perëndimore i dhanë opozitës serbe, sidomos shoqërisë civile.
Sipas tij vetëm SHBA dha dhjetëra milionë dollarë për lëvizjen qytetare Otpor dhe 18 forca politike, të cilat arritën të organizojnë një qëndresë paqësore në mbi 40 qytete në Serbi. Sipas të dhënave, vetëm në një vit u dhanë 25 milionë dollarë.
