Çfarë jemi duke ngrënë?!
Molla është fruti që konsumohet në çdo periudhë të vitit.
Ne pretendojmë se jemi të sigurt se po hamë një frutë që nuk na dëmton, pasi shpesh përdorim shprehjen: Ha një mollë dhe qëndro larg doktorit!
Por, në rastin e videos që na ka dërguar një qytetare nga Tirana, kjo shprehje nuk ka asnjë vlerë.
Duke vënë re se diçka nuk shkonte mirë, ajo ka marrë thikën dhe ka gërvishtur mollën, duke nxjerrë prej saj një masë parafine.
Nëse do të bësh një kërkim të thjeshtë, rezulton se parafina është një lëndë toksike, që do të thotë se dashur pa dashur, edhe pse mund të pretendojmë se e kemi larë, në fakt lëndën toksike e kemi po aty, duke e konsumuar.
Ekspertët thonë se parafina e bën frutin t’i rezistojë kohës së grumbullimit, shpërndarjes dhe tregtimit të saj.
Kjo është një video e nxjerrë me koshiencë të plotë mbi atë se çfarë po hamë. Autoriteti Kombëtar i Ushqimit duhet të marrë masa për fermerët, të cilët e praktikojnë këtë strategji, apo ata, të cilët e importojnë këtë frutë me lëndë toksike.
Tirana Today
