Shpërdorimi i letrës higjienike shihet si problem në parqet e Pekinit. Pastruesit e tualeteve bën me dije se është gjetur një zgjidhje “high tech” nga “Bejing Toilet”, për t’i penguar njerëzit që të krijojnë të tilla probleme. Tashmë, në parkun “Tempulli i parajsës”, një pajisje, në të cilën është instaluar edhe teknologjia e njohjes së fytyrës, regjistron çdo përdorues dhe, më pas, ajo lëshon një shirit prej rreth 70 centimetrash letër higjienike, për vetëm një përdorim të tualetit.
Pastruesi i tualeteve në park thotë se pajisja e re ka reduktuar sasinë e letrës higjienike që njerëzit përdornin, e tani makina mbushet me 4 dhe jo me 14 topa në ditë, siç ndodhte më parë.
I njëjti përdorues duhet të presë për 9 minuta, para se të mund të marrë një tjetër rrip letre higjienike. Vizitorët në tualet thonë se ata që kanë nevojë urgjente për tualetin mund të mendojnë se kjo e zgjat shumë qëndrimin atje, ndërkohë që të tjerë e përgëzojnë nismën, duke përmendur këtu kursimin, por edhe lehtësinë e marrjes së letrës në mënyrë automatike.
Më herët gjatë këtij muaji, mediet kineze raportuan se vizitorët në tualetet e parkut, “Tempulli i parajsës”, po shpërdoronin sasi të mëdha të letrës higjienike e, disa madje, merrnin edhe topa të plotë që i fusnin në çanta.
