Qeveria e re ka nisur zyrtarisht punën dhe në bazë të saj është programi qeverisës me të cilën do të menaxhohet dhe administrohet vendi për katër vitet në vazhdim. Kryeministri Rama paraqiti disa nga pikat kryesore mbi të cilat do të ecë ky program, por një nga çështjet kryesore padyshim mbetet ekonomia.
Kështu, në programin e parashtruar nga Partia Socialiste e cila do të udhëheqë e vetme reformat e premtuara gjatë fushatës elektorale, bie në sy taksa progresive. Kjo e fundit parashikon që pagat e larta që janë ato mbi kufirin 130 mijë lekë, taksimi do të jetë 18 për qind dhe jo 23 për qind siç është aktualisht.
Pagat e administratës parashikohet të rriten me 40 për qind kurse për pensionistët do të parashikohet shpërblim 7-10 mijë lekë çdo vit. Vendet e reja të punës që synohen të hapen në 4 vitet e ardhshme janë 220 mijë. Ndërsa projekti 1 miliard dollarë për investime të rëndësishme përmes partneriteteve publike-private mbetet një tjetër pikë e rëndësishme.
Programi i ri qeverisës për 4 vitet në vijim:
https://issuu.com/ps.al/docs/manifesti_ps_preview_small
