Duket se asgjë nuk është vendosur akoma për të ardhmen e trajnerit të Partizanit, Mark Iuliano. Këtë e ka konfirmuar vetë drejtori sportiv i klubit, Luciano Moggi, i cili është shprehur se kjo gjë do të vendoset pasi ai ta diskutojë çështjen me presidentin e klubit. Aktualisht Iuliano do të vazhdojë të bëjë punën e tij dhe nuk është shkarkuar si u raportua në disa media pas humbjes me Kamzën.
“Për momentin nuk kemi marrë asnjë vendim. Do flas nesër me presidentin, duke vlerësuar të gjithë situatën. Do të analizojmë me qetësi ndeshjen e fundit dhe do të vendosim. Natyrisht, situata është e vështirë, vlerësimet do t’i bëjmë edhe për trajnerin. Skuadra nuk po funksionon”, – ka thënë Moxhi për gazetën pak minuta më parë.(p.sport)
