Minsitria e Financave publikoi listën e kompanive të pëzgjedhura për kryerjen e procesit të përzgjedhjes së tatimpaguesve, për t’u kontrolluar mbi bazën e analizës së riskut.
Në fund të procesit të vlerësimit të dokumentacionit të dorëzuar nga shoqëritë pjesëmarrëse, MF ka publikuar emrat e kompanive që kanë fituar të drejtën për kryerjen e shërbimit të çertifikimit të deklaratave tatimore, për një periudhë 4 -vjeçare.
Deloitte Audit Albania sh.p.k ; ILD-99 Audit sh.p.k; Mazars sh.p.k; nHEuroConsultshpk; Studio L. E. A. L. Auditing sh.p.k ; Grant Thornton &Holly & Endi Auditing sh.p.k; UHY Elite sh.p.k ; KPMG sh.p.k ; ASIE sh.p.k ; PricewaterHouse Coopers Albania sh.p.k, janë kompanitë që fituan të drejtën për kryerjen e këtij shërbimi.
Auditimi e çertifikimi i pasqyrave financiare, deklaratave tatimore nga kompanitë e njohura audituese, konsiderohet si një element “pozitiv”, në tërësinë e elementeve që përcaktojne nëse tatimpaguesi duhet të përzgjidhet për t’u kontrolluar sipas vlerësimit të kryer nga analiza e riskut.
Çertifikimi i deklaratave tatimore nuk është kërkesë e detyrueshme, por është në vullnetin e lirë të tatimpaguesit nëse i çertifikojnë apo jo, deklaratat e tyre tatimore nga kompanitë audituese.
