Izraeli nuk pranon t njohë pavarësinë e Kosovës edhe pse presidenti Hashim Thaçi para pak muajsh kishte propozuar një ofertë të mirë për qeverinë e Benjamin Netanjahut.
Sipas drejtorit për Ballkanin në Ministrinë izraelite të Punëve të Jashtme, Dan Orian, dy muaj më parë Thaçi sugjeroi që Kosova të hapte misionin e saj diplomatik në Jerusalem, në këmbim të njohjes së pavarësisë së Kosovës.
“Pozicioni ynë është mjaft i qartë, nuk do ta njohim pavarësinë e Kosovës, nuk ka arsye për të ndryshuar pozicionin tonë. Izraeli është plotësisht i vetëdijshëm se sa e ndjeshme është kjo çështje në Ballkan”, tha zëdhënësi i Ministrisë së Punëve të Jashtme të Izraelit, Emmanuel Nahshon .
Ai shtoi se Orian e ka njoftuar Presidentin serb Aleksandar Vucic se “Kosova do të hapë një zyrë përfaqësimi të tregtisë në Izrael, që do të menaxhohet nga një biznesmen izraelit.”
