Oliveri Ivanoviç kishte paralajmëruar vetë 3 muaj më parë vrasjen e tij. Në një intervistë të dhënë pak kohë më parë, Ivanoviç deklaronte se nuk kishte frikë nga shqiptarët për jetën e tij, por nga vetë kriminelët serbë që lëviznin me “xhipa” pa targa. Ai deklaronte se situate në Mitrovicë është përkeqësuar, për shkak të pranisë së kriminelëve serbë.
“Po, situata ka ndryshuar për të keq. Ndjenja e përkeqësimit, e frikës tek populli është e pabesueshme.
Nga 100 njerëz me të cilët kam biseduar në javët e para në liri, nuk ka një që në fjalët e para nuk e ka shtruar çështjen e sigurisë.
Të kuptohemi menjëherë – ata njerëz nuk frikësohen nga shqiptarët po nga serbët, nga kapadainj dhe kriminelë lokalë që ngasin ‘xhipa’ pa targa. Droga shitet në çdo cep, çdo prind i frikësohet kësaj.
Ka pasur edhe në të kaluarën këso gjërash, por jo në këtë masë dhe ata njerëz nuk kanë vepruar me kaq arrogancë sa tani.
Policia i sheh të gjitha këto dhe nuk reagon, dhe kështu qytetarët ndjehen të pambrojtur, edhe pse në Policinë e Kosovës në veri të gjithë janë njerëz tanë, serbë.
Disa prej tyre janë policë me përvojë që më parë kanë punuar për MUP-in e Serbisë, por as ata nuk po bëjnë gjë”, deklaroi Ivanoviç për revistën “Vreme” të Beogradit më 28 shtator të vitit të kaluar. Lideri i serbëve të Kosovës, Oliveri Ivanoviç, që u vra sot para selisë së partisë së tij.
Ndërkohë një tjetër person pretendon se ngjarja ishte e paramenduar. Për gazetarin e “Sputnik” të Serbisë, Boris Malagruski, përmes një postimi në rrjetin social “Tëitter” tërthorazi ka lëshuar akuza për SHBA-të , për vrasjen e drejtuesit të Iniciativës Qytetare, Oliver Ivanoviç (lajmin e plotë lexoje këtu)
Në statusin e tij ai kujtoi datën 10 janar të këtij viti, kohë kjo kur sipas tij Ambasada Amerikane në Prishtinë kishte paralajmëruar për rrezikun e sulmeve terroriste në veri të Mitrovicës. Ndërsa pikërisht sot, më 16 janar, Malagurski thekson se edhe ndodhi vrasja e zyrtarit serb.
