Kryeministri i Kosovës, Ramush Haradinaj u është përgjigjur njëherë e mirë të gjitha thashethemeve se atij i është refuzuar viza amerikane dhe më pas ajo britanike.
Pas mbledhjes me qeverinë, Haradinaj ka mbajtur një konferencë për mediet, ku tha se gazetarët “nuk duhet të mbajnë dertin e politikanëve, por të qytetarëve për viza”.
“Shumë keq është nëse ndodh. Mirë na e kishin bërë politikanëve me na i refuzu vizat, por me jua dhënë qytetarëve. Politikanët i marrin vizat, mos ia mbani dertin… Problemi është që Kosova është e izoluar’, tha Haradinaj.
“Unë kom vizitë në Angli me 26 shkurt. Për me qenë i rregullt kam aplikuar si çdo qytetar, procedura më e shkurta ishte pesë ditë. S’kam kërkuar procedurë të jashtëzakonshme. Shkrimet që kanë ndodh nuk e di pse janë ashtu, por nuk është e vërteta”, tha Haradinaj.
