Këto orë kanë qenë plot ankth e pritje për familjarët, të cilët kërkonin të afërmit e tyre, pas shembjes së urës në Itali. Mediat italiane raportojnë se janë pezulluar kërkimet për të mbijetuar të tjerë të katastrofës në Xhenova, me 39 të vdekur.
Kërkimet dhe operacionet e gërmimit janë ndërprerë rreth orës 13:00, pasi rrezikonte të shembej edhe një pjesë tjetër e urës, në zonën e rrugës “Campi”. Menjëherë pas lajmërimit të rrezikut, zjarrfikësit kanë nisur verifikimet për qëndrueshmërinë e urës. Dy nga tre zonat e kërkimit janë pastruar.
Të dhënat flasin për 39 viktima, mes tyre janë konfirmuar edhe dy shqiptarë, si dhe tre fëmijë.
