Italia zgjedh trajnerin e përkohshëm

Luigi Di Biagio do të jetë në krye të pankiës së të kaltërve deri në qershor. Një komision i përkohshëm teknik, i cili do të udhëheqë ekipin kombëtar në ndeshjet miqësore, të planifikuara në mars, kundër Argjentinës dhe Anglisë. Deklarata e FIGC: “Pas një takimi të mbajtur sot në selinë e Federatës Italiane të Futbollit, në Romë, në prani të Roberto Fabbricini, komisionerit special, dhe zëvendësit të tij, Alessandro Costacurta, u vendos që të caktohet Luigi Di Biagio në postin e komisionerit teknik të ekipit kombëtar për dy angazhimet ndërkombëtare, në marsin e ardhshëm, kur janë planifikuar miqësore kundër Argjentinës në Manchester, më 23 mars, dhe kundër Anglisë, më 27 mars, në Londër”.

Alessandro Costacurta, që është edhe nënkomisionar i FIGC, pak ditë më parë kishte njoftuar se shanset për të marrë drejtimin e Italisë në miqësoret që do të organizohen në mars, para Ligës së Kombeve. Por ai edhe pse me shaka dha një sinjal që Di Biagio mund të jetë trajner i ekipit U-21. “Nëse i fiton miqësoret e ardhshme për 4-0, duhet të mendojmë për trajnerin e ri të U-21”.