Kombëtarja italiane akoma nuk ka zgjedhur trajnerin që do ta udhëheqë në Ligën e Kombeve dhe në eliminatoret e Europianit 2020. “Axurrët” janë ende në kërkim të një trajneri, për të zëvendësuar Giampiero Ventura, i cili u shkarkua pas skuadra e tij dështoi në eliminatoret e Kupës së Botës 2018. Gigi Di Biagio ishte trajneri i përkohshëm për dy miqësoret e muajit të kaluar kundër Argjentinës dhe Italisë, por nuk bindi dhe vendi i trajnerit mbetet vakant.
Roberto Mancini është favoriti kryesor për të marrë drejtimin e kombëtares italiane pasi ka vendosur të largohet nga Zenit St.Petersburg në muajin maj. Sipas asaj që ka shkruar “La Gazzetta dello Sport”, Mancini do të takohet me drejtuesit e Federatës Italiane të Futbollit gjatë javës së ardhshme, pasi i ka komunikuar klubit të Zenit se më 13 maj do të jetë dita e tij e fundit në Rusi.
Vendimi për t’i besuar stolin Mancini erdhi pas refuzimit të Carlo Ancelotti, që vendosi të punojë ende në nivel klubesh dhe fakti që Antonio Conte ka një pagë shumë të majme te Chelsea, 13 milionë euro në sezon.
