Të gjithë italianët sot i drejtohen qendrave të votimit, për të zgjedhur qeverinë e re, e cila do të formoi parlamentin dhe drejtoi vendin për të paktën një mandat. Tre partitë kryesore që synojnë fitoren janë: Forza Italia, Lëvizja 5 Yjet dhe Partia Demokratike. Sondazhet e shumta të kryera në të gjithë territorin italian, parashikojnë se asnjëra nga forcat politike nuk do të mund ta arrij shumicën.
Por partia më e fortë duket së është “Lëvizja e 5 yjeve”, që drejtohet nga Luigi di Maio dhe ka orientim të majtë e qëndrime skeptike ndaj BE-së.
“Forza Italia”, partia e Silvio Berlusconit, ka paraqitur si kandidat për kryeministër, Antonio Tajani. Ish- kryeministri i Italisë Berlusconi nuk mund të mbajë asnjë post politik edhe pse ka tentuar t’i rikthehet disa herë politikës.
Mateo Renzi, ish-kryeministër, është kandidati tjetër i forcës politike “Partia Demokratike, por mbështetja për këtë forcë nuk ka qenë e madhe.
Ajo që është bërë e qartë që në fillimet e fushatës politike, është fakti se asnjë nga kampet kryesore nuk kanë bërë dhe nuk do të bëjnë koalicione, duke pretenduar ta fitojnë shumicën në parlament me burimet e tyre, edhe pse sondazhet thonë se asnjëra nga këto forca nuk do e marrë dot shumicën.
Të gjitha qendrat e votimit u hapën në sot në 07:00 për tu mbyllur në orën 23:00. Tirana Today
