Italia ka shënuar një rritje të numrit të infektimit me Covid-19. Gjatë 24 orëve të fundit nga 169 045 testime kanë rezultuar pozitiv 16, 202 persona. Ndërkohë, që kanë humbur jetën 575 pacientë.
Rajoni me numrin më të lartë të të infektuarve mbetet Veneto, ku në 24 orë e fundit janë regjistruar 2 986 raste pozitive.
Më pas është Lombardia me 1 673 të infektuar, e ndjekur nga Puglia me 1 470, Emilia Romagna me 1 427, Lazio me 1 333, Sicilia me1 084 dhe Piemonte me 1 046.
Një raport i autoriteteve shëndetësore italiane ka treguar se vala e dytë e pandemisë ka qenë shumë më agresive se e para.
Sipas të dhënave në muajin e nëntorit, veçanërisht veriu i vendit ka regjistruar një rritje vdekshmërie nga trendi normal, më të madhe edhe në muajin mars, ku ishte piku i pandemisë.
Një rajon si Veneto ka patur një rritje 12% nga marsi, Piemonte rreth 20%, Friuli Venezia Giulia pothuajse 25% më shumë. Vetëm Lombardia dhe Emilia Romania kanë patur shifra vdekshmërie më të larta në muajt mars-prill, kur për t\transportuar viktimat në Bergamo erdhën në ndihmë kamionët e ushtrisë.
