Ministri italian i Shëndetësisë, Roberto Speranza, njofton se udhëtarët që vijnë në Itali nga Kroacia, Greqia, Malta dhe Spanja do të përballen me testimin e detyrueshëm për COVID-19.
“Masa, në fuqi nga sot, vlen për të gjitha rajonet e vendit, deri më 7 shtator”, deklaroi ministri.
Ai sqaroi se udhëtarët duhet të paraqesin një provë negative për koronavirusin, e cila është kryer brenda 72 orëve të fundit. Një alternativë tjetër është që ata të bëjnë testin pas mbërritjes, brenda 48 orëve, në autoritetin lokal shëndetësor.
Ndërkohë, ministri italian nuk specifikoi nëse masa do të zbatohej edhe për udhëtarët në tranzit, të cilët nuk ndalen në Itali.
