Një urë në Genova është shembur, duke shkaktuar përplasjen e disa makinave. Shembja e urës ka krijuar panik tek qytetarët.
Incidenti mendohet se ka ndodhur për shkak të një dëmi në strukturën e urës.
Trafiku është paralizuar, teksa raportohet se mund të ketë edhe viktima.
Mediat italiane raportojnë për një tragjedi në autostradën A10 në Genova.
Me të marrë të njoftimit, zjarrfikësja dhe policia kanë shkuar drejt vendit të ngjarjes.
Ura Morandi e ndërtuar në vitet ’60 në Genova është shembur sot pas një problemi në strukturë, ndërsa dyshohet për viktima. Në rrjetet sociale janë publikuar edhe video të momentit të shembjes së urës. Njerëzit bërtasin të tmerruar: “O Zot, o Zot”.
Në pamje duket stuhia që ka prekur Genovën dhe ura që shembet. “Oh Zoti im”, dëgjohet duke bërtitur një person, ndërsa filmon katastrofën. “Pashë njerëz që vraponin drejt meje, të zbathur dhe të terrorizuar”, tha Alberto Lercari, shofer i pranishëm në kohën e shembjes së urës Morandi.
