Kryhet një tjetër operacion anti-drogë, ku janë sërish të përfshirë shqiptarët. Policia italiane ka kapur mbi 300 kg kanabis në Bergamo, ndërsa mësohet se droga ishte pjesë e një trafiku Marok-Spanjë-Itali.
Sipas medieve italiane, në pranga kanë rënë 5 persona, mes tyre dhe shqiptarë. Droga u gjet në një kamion, ku kishte edhe perime, ndërsa pas kontrollit rezultoi se ajo ishte fshehur poshtë domateve.
Shoferët e kamionit kanë rënë në pranga, ndërsa vijojnë hetimet për të mundësuar zbulimin e të gjithë rrjetit. Deri më tani nuk ka informacione për identitetin e të arrestuarve.
