Arkeologët kanë zbuluar një gur të rrallë, në kufijtë e qytetit të Romës antike, që daton nga epoka e Perandorit Claudius në vitin 49 pas Krishtit dhe u gjet gjatë gërmimeve për një sistem të ri të ujërave të zeza.
Kryebashkiaku i Romës, Virginia Raggi u shpreh tepër i kënaqur për zbulimin e gurit pomerial, një pllakë e madhe travertine që u përdor si një perimetër i shenjtë, ushtarak dhe politik që shënonte buzë qytetit me territorin e jashtëm të Romës, shkruan PhysOrg.
Në Romën e lashtë, zona e pomeriumit ishte një copë tokë e shenjtëruar përgjatë mureve të qytetit , ku ishte e ndaluar të blihej, jetohej ose ndërtohej dhe përmes së cilës ishte e ndaluar hyrja me armë.
Në një konferencë për shtyp në muzeun Ara Pacis, Claudio Parisi Presicce, drejtori i Muzeut Arkeologjik të Romës, tha se guri kishte kuptim civil dhe simbolik .
“Akti themelues i qytetit të Romës fillon nga realizimi i këtij” pomeriumi “, tha ai për zonën e shenjtëruar. Guri përmban një mbishkrim që lejoi arkeologët ta datojnë atë, dhe i përket vitit 49 pas Krishtit, periudhë kur u vendosën kufijtë e rinj të qytetit të Romës.
