Autori i sulmit terrorist në Manhatan ku humbën jetën tetë persona gjatë goditjes me një kamion është quajtur “ushtar i Kalifatit” nga Shteti Islamik.
“Njëri prej ushtarëve të Shtetit Islamik e ka sulmuar një numër të njerëzve në një rrugë në Nju Jork”, thuhet në javoren e grupit, al-Naba, raporton SITE Intelligence Group, me seli në Shtetet e Bashkuara, e cila monitoron ekstremistët.
Emigranti nga Uzbekistani, Sayfullo Saipov, 29 vjeçar, është akuzuar për terrorizëm lidhur me sulmin e 31 tetorit, në të cilin ai ka përdorë në kamion për t’i goditur persona me biçikletë dhe këmbësorët në një rrugë afër vendit kur dikur qëndronte Qendra Botërore e Tregtisë.
Prokurorët thanë se Saipov ka pranuar se ishte inspiruar nga Shteti Islamik (IS) dhe “ndjehej mirë për atë që e ka bërë” dhe bile ka kërkuar ta mbajë një flamur të IS-it në dhomën e spitalit, ku ai po mjekohet nga pasojat e plagës në bark, pasi ishte qëlluar me të shtëna nga policia, në vendin e sulmit.
