ISIS ka marrë nën kontroll kampin Al-Hawl, ku ndodhet 11-vjeçari Alvin Berisha dhe qindra shqiptarë të tjerë, të cilët po mbahet të izoluar atje. Mësohet se shumica e forcave kurde që po ruanin dy kampet, ku gjenden rreth 70 mijë gra dhe fëmijë të luftëtarëve xhihadistë, janë tërhequr pas ofensivës turke, duke e lënë vendin në duart e ISIS.
Lajmi është përcjellë nga një gazetar i “The Times”, i cili ka vizituar së fundmi kampin.
Rasti i Alvin Berishës u bë i njohur për publikun shqiptar nga reportazhi i përgatitur nga emisioni investigativ italian “Le Iene”.
Alvini është i mituri shqiptar që ka mbetur peng në kampet e Sirisë. Para 6 vitesh, Alvini u rrëmbye nga e ëma që e çoi të birin drejt Sirisë, për t’u bashkuar me shtetin islamik “ISIS”.
Afrim Berisha, babai i Alvinit, nuk ka reshtur së kërkuari të birin, që e gjeti nëpërmjet emisionit “Le Iene”. Por Berisha nuk mundi ta nxjerrë Alvinin nga kampi Al-Hawl, pasi sipas autoriteve, kjo do të ishte e mundur vetëm në sajë të një delegacioni shqiptar.
