Pasi Pentagoni bëri publike një pjesë të operacionit për eliminimin e kreut te ISIS, Amerikës i vjen një paralajmërim i fortë. Pas vrasjes së Abu Bakr al-Bagdadi, ISIS besohej se kishte zgjedhur si lider të ri, Abu Ibrahim al-Hashimi al-Qurayshi, i cili po ashtu njihej si Hajji Abdullah al-Afari. Qardash, me pseudonimin “Profesori” apo “Shkatërruesi” për reputacionin e tij brutal, thuhet se ishte përzgjedhur nga Al-Baghdadi të drejtonte në rast se ai do të vdiste.
Në deklaratën kërcënuese të ISIS, paralajmërohet Amerika. “Ne mbajmë zi për ty… komandant i besnikërisë. Amerikë, nuk e kupton se Shteti Islamik është tani në krye të Europës dhe Afrikës Perëndimore? Është shtrirë nga Lindja në Perëndim. Mos gëzo Amerikë, i zgjedhuri i ri do të të bëjë të harrosh tmerrin që ke njohur mirë… dhe do t’i bëjë ditët e arritjeve të Al-Baghdadit t’ju duken të ëmbla”.
Abu Bakr al-Bagdadi, hodhi veten në erë gjatë një sulmi nga forcat amerikane në veri të Sirisë të shtunën. Shumë po përflitet tani mbi pasardhësin e mundshëm të tij. Presidenti Donald Trump shkroi në Twitter të martën se edhe “zëvendësuesi numër një i Abu Bakr al-Bagdadi është eleminuar nga trupat amerikane”. Trump shtoi, “Me shumë mundësi do të kishte zënë vendin e parë- por tani, edhe ai është i vdekur”.
