Autoritetet italiane në Salento kanë kapur një gomone në të cilën ndodheshin 33 emigrantë kurdë-irakenë dhe kurdë-iranianë.
Sipas mediave italiane, gomonia vinte nga brigjet shqiptare dhe kishte pothuajse një javë që udhëtonte në det. Grupi i kurdëve u dërgua në qendrën e Don Tonino Belli në Otranto.
Disa prej tyre rrezikonin të prekeshin nga hipotermia pasi ishin lagur gjatë udhëtimit. Raportohet se në mesin e të ndaluarve ndodheshin minorenë të pashoqëruar, dy gra dhe një çift me dy fëmijë 5 dhe 9 vjeç.
