Ish ylli i Milanit, Robinho është dënuar me vite burg nga gjykata e Milanos, për përdhunim në grup, ndaj vajzës shqiptare. Ngjarja ka ndodhur në 22 janar të vitit 2013, ku vajza shqiptare ishte në moshën 22 vjeçare dhe ishte e dashura e brazilianit. Pas disa vitesh hetime, gjykata ka dalë në përfundimin se dhuna është përdorur nga ylli brazilian së bashku me pesë shokë të tjerë. Futbollisti 33-vjeçar tani është në Brazil ku luan për Atletico Mineiro.
Fillimisht futbollisti dhe avokatët e tij e cilësuan si një formë shantazhi që po i bëhej për shkak se është personazh i njohur. Ai mësohet se në seancat e para gjyqësorë pat deklaruar se ishte një sajesë gjithçka nga vajza shqiptare, pasi nuk kishte arsye që ajo denoncimin ta bënte 6 muaj pasi kishte takuar Robinhon. Gjithsesi gjykatësit italianë nuk u ndikuan shumë nga këto pretendime dhe iu mëshuan provave, duke arritur në përfundimin se futbollisti 33 vjeçar, katër vite më parë ka dhunuar seksualisht së bashku me 5 persona të tjerë një vajzë shqiptare që sot është 26 vjeç.
