Ish-trajneri i Belgjikës akuzon rëndë portierin: Je tradhtarë i kombit

Ish-trajneri i kombëtares së Belgjikës, Marc Wilmost ka tronditur futbollin belg me deklaratën që ka lëshuar në media, duke e cilësuar portierin Thibaut Courtois si tradhtarë të kombit. E gjithë kjo ka ardhur për shkak se në përballjen e humbur nga Uellsi në Euro 2016 me rezultatin 3-, ku dhe Belgjika u eliminua. Për këtë humbje ish-trajneri akuzon portierin se nëpërmjet të atit ka nxjerrë formacionin në media shumë më herët, ku në përfundim të ndeshjes ka pasur edhe një përplasje mes tyre për rreshtimin e lojtarëve në fushë.Courtois kritikoi hapur trajnerin, i cili nga ana e tij ka kundërsulmuar, duke akuzuar se në skuadër ekzistonte një spiun që u tregonte mediave formacionin dy orë para ndeshjeve dhe sipas tij spiuni ishte Courtois: “Nëse unë e zbuloj formacionin në orën 6 dhe 15 minuta më vonë del në çdo media, atëherë është problem i madh. Do të thotë që një futbollist shet kombëtaren dhe kjo është e rëndë. Shumë gazetarë francezë më kanë thënë se formacionin e nxjerr babai i Courtois, kjo është mungesë e theksuar respekti ndaj atdheut. Unë pres për formacionin e kundërshtarit deri 1 orë para ndeshjes, ndërsa kundërshtarët e mësojnë formacionin tim të paktën 2 orë përpara dhe kjo është dramatike, ndryshon gjithçka”.Babai i Courtois, Tieri, ka mohuar gjithçka, ndërsa ka deklaruar se së bashku me portierin e Chelseas do ta hedhin në gjyq ish-trajnerin e kombëtares. “Zoti Wilmots përsërit, jo për të parën herë, publikisht dhe pa asnjë bazë akuzat që përbëjnë një sulm ndaj nderit tim dhe reputacionit që kam krijuar, gjë që vlen edhe për babain tim. Për këtë arsye, kemi vendosur të dorëzojmë një padi për shpifje dhe ulje imazhi”, shkruan Courtois në faqen e vet në Instagram. Belgjika, kombëtarja me talente pa fund, por që nuk do të bëhet kurrë fituese dhe këto histori tregojnë qartë pse.