Ish-presidenti rus, Dmitry Medvedev, ka kritikuar sanksionet perëndimore të vendosura ndaj Rusisë, objektiv i së cilës ai është gjithashtu, duke thënë se ato janë një shenjë e “pafuqisë politike”.
“Unë besoj se është e qartë për njerëzit inteligjentë: sanksionet janë një mit, një kërcënim, një figurë fjalësh. Unë jam thelbësisht indiferent ndaj këtyre kufizimeve të të drejtave të publikuara gjerësisht jashtë vendit”, tha Medvedev në një postim në rrjetin social rus.
“Arsyeja e sanksioneve është kjo. Është pafuqi politike që lind nga paaftësia për të ndryshuar kursin e Rusisë. Gjithashtu, një shpresë për të kompensuar vendimet e turpshme si ikja frikacake nga Afganistani”.
Medvedev, i cili aktualisht shërben si zëvendëskryetar i Këshillit të Sigurimit, shtoi: “Këto ndalime të mahnitshme, natyrisht, nuk do të ndryshojnë asgjë. Edhe njerëzit injorantë në Departamentin e Shtetit e dinë këtë”.
Ish-presidenti vazhdoi të krahasonte inkursionin në Ukrainë, me operacionin ushtarak të Rusisë në Gjeorgji në vitin 2008.
“[Operacioni ushtarak] do të zhvillohet në tërësi, derisa të arrihen të gjitha objektivat që ka vendosur presidenti i Rusisë, as më shumë e as më pak. Siç ishte në një situatë të ngjashme në vitin 2008”, tha ai.
Ai argumentoi se kjo lëvizje nga vendet perëndimore, do të rriste më tej mbështetjen që qeveria ruse ka aktualisht.
Burimi i lajmit: CNN. Përshtatur nga Tirana Today
