Në vazhdën e sulmeve ajrore në shkallë të gjerë në të gjithë Ukrainën sot, ish-presidenti rus Dmitry Medvedev paralajmëroi “do të ketë të tjerë”.
Duke shkruar në mediat sociale, aleati i ngushtë i presidentit rus Vladimir Putin, sinjalizoi se rritja e sulmeve mund të jetë fillimi i një përshkallëzimi të mëtejshëm të luftës nga ana e Rusisë.
“Ukraina do të ishte një kërcënim konstant, i drejtpërdrejtë dhe i qartë për Rusinë”, shkroi ai. “Qëllimi i veprimeve tona të ardhshme duhet të jetë shpërbërja e plotë e regjimit politik në Ukrainë”.
Redaktori i BBC-së për Rusinë, Steve Rosenberg thotë se një deklaratë e kësaj natyre sugjeron se, nëse kjo është me të vërtetë pikëpamja e Kremlinit, Rusia mund të dëshirojë të vazhdojë me luftën derisa të sigurohet që e gjithë Ukraina të kthehet në orbitën e Rusisë.
Burimi i lajmit: BBC. Përshtatur nga Tirana Today
