Ish-presidenti i Interit, Massimo Moratti pretendon se kalimi i Messit te skuadra zikaltër nuk është diçka e pamundur, duke bërë kështu tifozët të ëndërrojnë.
Moratti, i cili dikur afroi Ronaldon nga Barcelona te Inter, është shprehur se Interi mund të ëndërrojë dhe ka parashikuar që gjëra të çuditshme të ndodhin në vitin 2020. “Unë mendoj se afrimi i Messi nuk është një ëndërr e parealizueshme dhe e pamundur.
Argjentinasi është në fund të kontratës dhe ku i dihet gjithçka mund të ndodhë. Nuk e di nëse situata e vështirë që po kalojmë mund të ndryshojë ndonjë gjë, por mendoj se do të shikojmë gjëra të çuditshme këtë vit. Lautaro është një lojtar shumë i mirë, i cili kujdeset për karrierën e tij.
.Por siç e thashë edhe më lart, ne mund ta shohim atë në një marrëveshje për të afruar një lojtar të madh, i cili mund të jetë Messi.”, u shpreh Moratti.
