Ish-ministri i Drejtësisë, Ylli Manjani, ka deklaruar sot se shumica e njerëzve janë të zhgënjyer nga politika, dhe se kjo mund të quhet si “partia e indiferentëve”. Në postimin e tij të radhës në Facebook, ai bën me dije se mospjesëmarrja dhe shkatërrimi i votës, dëmton demokracinë.
Kjo e fundit ka nevojë për ndryshim politik, të paktën për rotacion. Duke qëndruar në të njëjtën linjë, ai mendon se rotacioni nuk mund të ndodhë nëse njerëzit nuk votojnë masivisht, ose hedhin votë kuturu deri në pavlefshmëri të saj. Ndodhur në këto kushte, vetëm pjesëmarrja masive në votime dhe mos shpërdorimi i saj, garanton rotacion politik.
