Ish-ministri i Drejtësisë, Ylli Manjani, ka komentuar kthimin e Buxhetit të Shtetit nga presidenti Meta, dhe pozicionimin e LSI-së në çështjen e studentëve.
Manjani citon se Meta veproi drejtë që e ktheu ligjin, por nëse dje, ai si kryetar i LSI do kishte ndaluar votimin e ligjit për Arsimin e Lartë, zgjidhja për studentët do ishte më e plotë.
Mjaft i revoltuar, ai shkruan në Facebook se Ilir Meta nuk ndaloi dot asnjë ligj të mbrapshtë që miratoi dje mazhoranca PS-LSI. Nuk ndaloi as pisllëqet e kontrollit të drejtësisë nga Rama; as koncensionet; as taksat e larta; as emigracionin masiv; as anashkalimin e Presidentit të Republikës; as kanabisin e drogën.
