Ish-ministri i Drejtësisë, Ylli Manjani, ka hedhur “shashkën” e radhës. Ai ka deklaruar se ekziston një konflikt i hapur mes kryeministrit Rama, dhe Ministrit të Brendshëm, Fatmir Xhafaj.
Zanafilla e mosmarrëveshjes ka të bëjë me fuqizimin e Xhafajt, pas dorëzimit të vëllait të tij. Ndër të tjera, ai tha se arrestimet e fundit janë kryer me insistimin e autoriteteve gjermane.
“Mësë shumti beteja mes Fatmir Xhafajt dhe Edi Ramës sipas pikëpamjes time, do vijë duke u përshkallëzuar. Kanë shenja qartësisht të dukshme që janë në plane krejt të ndryshme.
Ju kujtoj se pas ngjarjes me ‘Babalen’, i gjithë opinioni që erdhi nga qeveria, në fakt dhe eksponent të Partisë Socialiste ishte që Fatmir Xhafaj është i ikur.
Xhafaj nuk iku. Por bëri çmos që të vendosë hegjemoni në punën e tij. Dhe kjo ka sjellë shumë nervozitet në Kryeministri. Është e dukshme, e keni çdo gjë të shkruar mes rreshtave.
Ashtu siç Fatmiri ka dhënë garanci për sa kohe dorëzova vëllain, unë nuk pyes për vëllezërit e tjerë. Dhe ky është shantazhim i madh që ata i bëjnë njëri-tjetrit”, pohoi ai.
