Ish-ministri Genc Ruli është thirrur nga Prokuroria për të dëshmuar lidhur me çështjen CEZ.
Mësohet se ish-ministri i Ekonomisë dhe Bujqësisë do të thirret për t’u pyetur si person që ka dijeni për privatizimin e CEZ.
Thirrja e Rulit vjen menjëherë pas vendimit të Gjykatës së Tiranës, e cila i la në detyrë Prokurorisë të marrë në pyetje disa emra, mes tyre edhe djalin e ish-kryeministrit Shkëlzen Berishën.
I kontaktuar nga News 24, Ruli është përgjigjur shkurt teksa ka thënë se pret konfirmim për orarin dhe se do paraqitet në Prokurori.
