Shkodranët protestuan sot ndaj kryeministrit Edi Rama. Partia Demokratike kishte njoftuar më parë se Rama do kryente një vizitë në Shkodër dhe ata kishin dalë për ta pritur me patate dhe vezë.
Protesta e shkodranëve është shoqëruar me disa fjalime nga pjesëmarrësit të cilët krahas vërejtjeve për qeverinë, nuk kanë kursyer as kritikat për opozitën.
Një ish e përndjekur e cila qëndron mes deputetit Bardh Spahia dhe kryebashkiakes Voltana Ademi hodhi jo pak kritika për PD-në.
Ajo thotë se si votuese e Partisë Demokratike është mjaft e zhgënjyer pasi sipas saj kjo forcë politike ka tradhtuar kauzat duke kërkuar që të kërkojë ndjesë.
Fjalimi i saj duket i paparashikuar nga drejtuesit demokratë të cilët shfaqen të çuditur. Për më tepër ju ftojmë të ndiqni videon.
