Ish-drejtori i AKU-së, Besnik Jakaj, ka folur rreth problemeve që has konsumatori në disa blerjen e nënprodukteve të mishit, si sallami, që nuk janë prodhim i stabilimenteve të licencuara për përpunim mishi, e as të importuara dhe nuk kanë etiketë.
I ftuar në “Alert” në News24, Jakaj e konsideron shume të rrezikshëm përdorimin e këtyre produkteve, teksa akuzon edhe AKU-në për mungesë të kontrolleve nëpër biznese.
“Është procedurë administrative e AKU, duhet masa, etiketa jep garanci për konsum njerëzor. Tregjet janë detyrë e AKU që të kontrollohen, e certifikon vetëm AKU. Vlerësimi i riskut, dominante në sigurinë ushqimore. AKU nuk është bazë ushtarake, por sektori me i rëndësishëm dhe jetik, ku përzgjidhen njerëz jo të duhur. Çdo produkt që është jashtë licencimit të proceseve teknologjike përbën rrezik për konsumimin. Mënyra e të ushqyerit ndikon edhe në kodin gjenetik, abuzimet përbëjnë një alarm për shëndetin masiv të popullatës. Abuzime ka në të gjithë botën, por AKU ka detyrimin të bashkëpunojë me pushtetin vendor, policinë me të gjitha strukturat për të minimizuar riskun, pasi siguria ushqimore është element i rëndësishëm i sigurisë kombëtare”, u shpreh ish drejtori i AKU, Besnik Jakaj.
