“Shumica e deputeteve në parlamentin shqiptar bëjnë parada me veshje, janë ‘Barbie Doll’ dhe kanë ngatërruar institucion”, kështu është shprehur sipërmarrësja Lajla Përnaska, ish-deputete e PD-së, e cila ka shigjetuar para disa kohësh pikërisht këtë sjellje të deputeteve femra, që duket se e kanë zhgënjyer.
Këto deklarata, Përnaska i bëri në emisionin “Top Show”, ku komentoi edhe një postim kritik të bërë pak kohësh:
“I kam bërë sepse kam besuar se femrat mund të sjellin një politikë ndryshe dhe standard, por realiteti bie ndesh me atë që kam perceptuar dhe parimet e mia, se ju e shihni shumë kollaj, ndiqni jetën politike dhe situata është e tillë që mbart elemente skandali. I keni të qarta, kush është dhe te parlamenti i ri, fakti është që një kontigjent i rëndësishëm që kanë hyrë në Kuvend nuk kanë lidhje me profesionin e politikanit, ose ligjbërës, janë marioneta, ose barbie dolls”, tha ajo.
