Ish-deputeti i Partisë Demokratike Astrit Patozi, me anë të një statusi në “Facebook”, ka postuar një foto me deputetin e nderë të kësaj partia Sokol Olldashi, i cili nderoi jetë 4 vite më parë.
Patosi në postimin e tij shkruan se foton ia ka dorëzuar Kozetës, e cila sipas tij është e “vetmja bankë e sigurt për të gjitha “pasuritë”, që trashëguam prej Sokol Olldashit”.
Statusi i plotë
KUR ISHIM MË TË VEGJËL
Është shkrepur rreth 20 vjet më parë, në redaksinë e gazetës “Albania”.
Atëherë, “kur ishim më të vegjël, sepse të rinj jemi prapë”.
Ka qenë kjo një shprehje, që e përdornim shpesh me shaka për të kujtuar të shkuarën dhe injoruar rrjedhjen e viteve.
Nuk e mbaja mend fare që ekzistonte, pasi asnjëri prej nesh nuk ka qenë i dhënë pas fotove.
Merita për “zbulimin” e saj i takon Irta Patozit, e cila e kishte gjetur rastësisht në turrën e fotografive të vjetra.
Por meqë është kopje e vetme, sot ia dorëzova kokëulur Kozetës.
Sepse asaj i takon që ta ketë, si e vetmja bankë e sigurt për të gjitha “pasuritë”, që trashëguam prej Sokol Olldashit.
